Siglir tar il cuntegn

Header

cuntegn

Cussegliaziun da mammas e babs Chantun schlia cunvegna da prestaziun cun KJBE

Suenter la decisiun da reorganisar dal tuttafatg la cussegliaziun da mammas e babs ha decidì la regenza uss il proxim pass en chaussa: Ella terminescha las cunvegnas da prestaziun tranter il chantun e l’Uniun per tgira d’uffants cumplementara a la famiglia (KJBE) pertutgant la cussegliaziun.

Il departament da giustia, segirezza e sanadad vegnia uss incumbensà dad as metter d'accord cun la KJBE per pudair schliar questas cunvegnas cuminaivlas, scriva la regenza. En pli saja vegnì incumbensà il departament cun organisar la cussegliaziun da mammas e babs da nov.

Tar la cussegliaziun da mammas e babs en il Grischun avevi dà dapi plirs onns charplina. La mesadad da zercladur aveva il Departament per giustia, segirezza e sanadad communitgà ils resultats dad in'analisa externa. Quella era vegnida a la conclusiun ch'i veglia in nov start per propi ameglierar la situaziun.

RR novitads 14:00

Artitgels legids il pli savens