Siglir tar il cuntegn
Inhalt

Chantun Cuvrir il basegn da chalur e d'electricitad cun geotermia

In studi cuminaivel dals chantuns Son Gagl e Grischun mussa ch'i pudess esser avant maun aua chauda en la profunditad da la Val dal Rain da Sargans, da la Val da la Seez, da la Val dal Rain grischuna e dal Partenz davant. Pliras vischnancas pudessan profitar da questa geotermia profunda idrotermala.

Plazzal.
Legenda: Project geotermic a Son Gagl. Keystone

Nizzegiar aua chauda ord la terra per il provediment d'energia pudess esser ina via pussaivla per vischnancas en la Val dal Rain da Cuira ed en il Partenz Anteriur.

Avant curt a l'Uffizi d'energia e da traffic dal Grischun infurmà las vischnancas da questas regiuns davart in studi ch'il chantun ha laschà far ensemen cun il chantun Son Gagl.

Sco l'uffizi scriva, hajan las vischnancas uss ils resultats necessaris per decider sch'ellas veglian duvrar questa chalur. Ils resultats sa basan sin models e prognosas.

Il studi descriva las zonas geotermicas potenzialmain interessantas en ina profunditad da 1000 fin 5000 meters e lur potenzial d'utilisaziun.

RR novitads 10:00