Siglir tar il cuntegn

Header

Mamma ed uffant ed in'autra dunna che mesira il chau da l'uffant.
Legenda: Il servetsch per geniturs e lur uffants pitschens vegn da nov organisà sin plaun regiunal. Keystone
cuntegn

Da nov sin plaun regiunal Cussegliaziun da geniturs vegn reorganisada

La Cussegliaziun da geniturs en il Grischun succeda cun ina nova incumbensa da prestaziun chantunala e vegn organisada sin plaun regiunal. Quai vala davent dal prim da fanadur sco l'Uffizi chantunal da sanadad scriva. Fin uss era la cussegliaziun organisada a moda centrala tras il post spezialisà KJBE.

La Cussegliaziun da geniturs dal Grischun

Textbox aufklappenTextbox zuklappen

La Cussegliaziun da geniturs è l'emprim post da consultaziun per dumondas da tut gener da la naschientscha d'in uffant fin tar ses tschintgavel anniversari. La purschida da cussegliaziun cumpiglia tut ils temas en connex cun il svilup, l'educaziun, la sanadad ed il nutriment da l'uffant.

Geniturs han la pussaivladad fa far giu in termin per ina cussegliaziun u da visitar ina cussegliaziun averta senza preannunzia. Plinavant porscha il servetsch cussegliaziuns al telefon ubain via e-mail.

Il basegn d'ina reorganisaziun saja sa mussada cun analisar la situaziun da l'anteriura «Cussegliaziun da mammas e babs». Tar il post da cussegliaziun grischun avevi numnadamain dà durant plirs onns charplina. L'analisa externa era lura vegnida a la conclusiun ch'i veglia in nov start per propi ameglierar la situaziun.

Las cussegliadras engaschadas enfin uss hajan tuttas survegnì in nov contract da lavur dals novs patruns en las regiuns. Ed il chantun procuria che la qualitad da la cussegliaziun saja adequata, scriva l'Uffizi da sanadad.

RTR novitads 09:00