Siglir tar il cuntegn

Header

Umbriva dad act violent.
Legenda: Ensemen cun differentas organisaziuns fa il chantun attent cun occurenzas ed acziuns sin la violenza a chasa. Keystone
cuntegn

Dals 25-11 fin ils 10-12 Dis d'acziun cunter violenza a chasa

En il center dals dis d'acziun chantunals stattan quest onn ils uffants e giuvenils. Per els datti da nov in flyer che declera, tge far en situaziuns d'urgenza.

Il Grischun vul render attent cun dis d’acziun sin la violenza a chasa e la violenza cunter dunnas. A partir da mesemna e fin ils 10 da december vulan il chantun ed organisaziuns sensibilisar la glieud cun differentas occurrenzas per quest tema. Sco il chantun scriva, stattan quest onn ils uffants e giuvenils en il center dals dis d’acziun.

Violenza envers uffants e giuvenils ha savens lieu en il sistem da referenza famigliar. Là èn uffants e giuvenils pertutgads da differentas furmas da violenza. Latiers tutgan en spezial maltractaments corporals e psichics, abus sexual, negligientscha corporala ed emoziunala sco er l'experientscha da violenza tranter ils geniturs. Per uffants e giuvenils datti perquai da nov flyers che decleran, tge far en situaziuns d’urgenza.

video
Orange Days 2020: Acziun cunter violenza encunter dunnas
Or da Telesguard dals 25.11.2020.
laschar ir

Avrir ils egls ed intermediar agid

A chaschun dal di internaziunal cunter la violenza cunter dunnas, ils 25 da november, vegnan edifizis en l’entir chantun Grischun illuminads oransch per sensibilisar la glieud per quest tema.

Cun il slogan «AVRA ILS EGLS!» duain la publicitad e persunas spezialisadas vegnir sensibilisadas da guardar nà, d'identifitgar indizis e d'intermediar agid. Ultra da quai vegni rendì attent a purschidas da cussegliaziun e da sustegn en il chantun Grischun per facilitar a persunas pertutgadas l'access a talas e per dar curaschi ad ellas da tschertgar agid e sustegn.

Adattà al tema:

video
Dachasa en privel – violenza en las atgnas quatter paraids
Or da Cuntrasts dals 22.11.2020.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga