La Viafier retica reducescha sia purschida pervi da la crisa da Corona. Sco emprima mesira circuleschia il transport d'autos tras il Vereina a partir da damaun be anc mintg'ura e betg pli mintga mes'ura, scriva la Viafier retica en lur communicaziun.
A partir da gievgia che vegn vala lura il tact dad in'ura era per ils trens da persunas. L'urari reducì da la Viafier retica vala fin almain ils 26 d'avrigl.