Siglir tar il cuntegn
Inhalt

Chantun Damain delicts criminals en il Grischun

En il Grischun hai dà damain delicts criminals l'onn passà. Sco quai che la statistica grischuna da criminalitad mussa, datti dentant grondas differenzas aifer las regiuns. La criminalitad è la pli auta en la regiun da Cuira ed en la Mesolcina.

In um che rumpa en en in auto.
Legenda: maletg simbolic: Il 2014 hai dà 200 delicts damain en il Grischun. Keystone

Tut en tut èsi vegnì registrà il 2014 radund 10’085 delicts, quai èn bun 200 cas damain che l'onn avant. La gronda part da quests cas van sin il conto da delicts cunter la lescha penala, en tut èn quai 8'196 cas.

Damain delicts da mazzament en Svizra

En l'entira Svizra è il dumber dals delicts sa reducì per 8,5%. En egl croda surtut la reducziun da delicts da mazzament. Cun 41 cas è il dumber sa reducì sin il pli bass nivel dapi 30 onns.