Per il mais da favrer ha il chantun Grischun constatà ina quota da dischoccupaziun da 1,9% (schaner 2,1%). 574 da las dischoccupadas eran dunnas, 1'472 umens.
Totalmain han ils Centers regiunals per intermediaziun da lavur registrà 3'944 persunas a la tschertga da lavur. Quest dumber cumpiglia er las persunas che fan scolaziuns supplementaras u sa participeschan a mesiras d’occupziun.
Er en Svizra è la dischoccupaziun sa sminuida
La quota da dischoccupaziun en Svizra è lev sa sminuida il favrer. Uschia muntava ella a 3,7 %, il schaner era ella anc tar 3,8%, scriva il Secretari da stadi per l’economia SECO. En cumparegliaziun cun il favrer 2015 è la dischoccupaziun dentant creschida, numnadamain per circa 11’500 dischoccupadas.
161’417 dischoccupadas eran a la fin dal favrer 2016 annunziadas tar ils Centers regiunals per intermediaziun da lavur. Quai èn 2’227 damain ch’il mais precendent. En cumparegliaziun cun il favrer 2015 è il dumber dentant s’augmentà, quai per 7,7% sin totalmain 11’496 persunas senza lavur.
La dischoccupaziun da giuventetgna (15 fin 24 onns) è sa sminuida durant il favrer per 689 persunas sin 20’491.
RR novitads 08:00