Damain pèschs en ils lais da l'Engaiadin'Ota

En l'ura da dumonda dal cussegl grond èn tranter auter ils pèschs en ils lags dall'Engiadin'Ota stads in tema: Adina dapli pestgaders cun bartga stoppian turnar a chasa senza preda - oravant tut senza il salmelin da lag.

Pestgaders sin il lai da Segl en l'Engiadina Ota. Bild in Lightbox öffnen.

Legenda da maletgs: Pestgaders sin il lai da Segl en l'Engiadina Ota. Keystone

En mintga sessiun han las deputadas ed ils deputads la pussaivladad da tschentar dumondas actualas. A Mario Salis da la PPS fa quai quitads, che ils pestgaders dal'Engiadin'Ota peglian adina damain pèschs. Pertutgads èn ils pestgaders cun bartga - la preda che manca ad els è il salmelin da lag. Mario Cavigelli ha lura dà resposta: Ina retschertga en differents lags en Svizra - tranter auter er en il lag da Segl ed en il lago di Poschiavo - haja mussà, ch'il dumber da pèschs a Poschiavo e quasi il medem sco en il lag da Segl. Dentant las cifras da preda creschan a Poschiavo. Ils experts supponian, che quai saja pli grev da pigliar ils pèschs a Segl perquai che quels hajan midà lur nutriment. Els maglian dapli plancton e betg pli tants insects. Uscha na tira la estga dals pestgaders betg pli tant.

RR Actualitad 12:00