Siglir tar il cuntegn

Header

Navigaziun

cuntegn

Chantun Damain svieuta per la branscha da construcziun grischuna

Crana.
Legenda: En il Grischun èsi vegni bajegià damain abitaziuns l'onn passà. Keystone

Il motiv principal che la svieuta è ida enavos saja la digren en la construcziun auta. Quai scriva l'uniun dals impressaris grischuns. Las fatschentas da construcziun han numnadamain bajegià en la sparta da la construcziun auta enturn 20% pli pauc che l'onn passà. In motiv è il project grond, il bajetg da la praschun a Cazas. Quel è vegnì cudeschà l'onn 2017 e ha chaschunà ina part da la differenza tar l'onn avant. Vinavant han ins bajegià pli pauc perquai che bleras abitaziuns èn vidas.

Construcziun bassa

Tar la construcziun bassa è la reducziun main gronda cun in minus da 2,6%. Qua saja la raschun surtut situaziun da l'aura. L'onn avant han ins pudì lavurar fin curt avant Nadal e quest onn sent'ins il cumenzament imprevis da l'enviern

RR novitads 09:00