Il Grischun ha concedì a l'ospital Riviera-Chablais en il chantun Vad in emprest da 20 milliuns francs. La raschun: Il chantun vul spargnar tschains negativs. Quai rapporta il schurnal regiunal dad SRF.
Il termin saja favuraivel. La cassa chantunala saja – sco usità – emplenida bain tranter il favrer e l'avrigl. Tar las bancas paja il chantun dentant tschains negativs. L'ospital dovria ils daners per pajar pajas e mantegnair sia liquiditad.
Valais e Vad stuessan pajar
Per il Grischun n'existia nagin ristg, pertge l'emprest saja segirà entras ina garanzia statala dals chantuns Vad e Vallais. Sche l'ospital fiss il fanadur insolvent stuessan ils dus chantuns pajar enavos l'emprest. Entras questa strategia po il Grischun evitar tschains negativs, bunamain senza ristg.