Siglir tar il cuntegn

Header

audio
Pertgè uschè dumandà?
Or da Actualitad dals 08.01.2021.
laschar ir. Durada: 02:33 minutas.
cuntegn

Daners digitals L'istorgia dal bitcoin

L’onn 2008 èsi l’emprima giada vegnì discurrì da bitcoins. Dapi lura è il bitcoin sa sviluppà en trais fasas. Da 10 cents fin ina valur da varga 30’000 dollars.

Sut il pseudonim «Satoshi Nakamoto» ha l’inventader u han ils inventaders discurrì il 2008 l’emprima giada da bitcoin – e declerà tge che l’idea è davostiers, di il redactur d’economia da SRF, Andreas Lüscher.

In sistem da pajar ch’è anonim ed independent – cun il qual ins sa pajar en hotels, stizuns, bars u era online. In sistem che sa basa sin «blockchain», quai munta ch’el surveglia sasez. Quai tut è sa sviluppà fin oz tar in lieu d’investiziun nua ch’ins po far spert bler gudogn ma era perder spert.
Autur: Andreas Lüscherredactur d'economia tar SRF

Trais fasas

Il bitcoin è sa sviluppà en trais fasas: L’emprim n'haja el gìnagina valur, 10 cents. Lura haja il bitcoin plaun survegnì adina dapli valur fin il 2017, il punct da culminaziun. Da 1'000 dollars sin 20’000 dollars. Lura haja el dentant puspè pers valur giu sin 4'000 dollars.

En l’onn da corona haja la munaida digitala puspè gudagnà valur sin passa 30’000 dollars (stan: 05.01.2021), declera Andreas Lüscher.

Daco è il bitcoin uschè dumandà?

Plaunet hajan ils investiders fidanza en il bitcoin e la dumonda creschia, e quai fetschia vegnir el pli attractiv e sia valur pli gronda. Bancas, grondas firmas e persunas ritgas investeschian en bitcoins e fetschian public quai – tge che dat fidanza ad auters investiders. Ma declerar daco ch’il bitcoin perda u gudogna valur na san ins betg, di Andreas Lüscher.

Daco exact ch’il bitcoin ha gudagnà uschè fitg valur na san ins betg – e quai è il mistic vid l’entira istorgia.
Autur: Andreas Lüscherredactur d'economia tar SRF

RTR actualitad 07:00

Artitgels legids il pli savens

Scrollar a sanestra Scrollar a dretga