Siglir tar il cuntegn
Inhalt

Chantun Daners u temp liber?

Las vacanzas da stad èn avant porta. Ed ussa, tge far? Intgins van en vacanzas, auters giaudan il «dolce far niente». Dentant pon ins far quai 6-7 emnas? Daco betg lavurar las vacanzas e gudagnar in rap. Las plazzas sajan stgarsas, hai num.

ina giuvna fa fain
Legenda: Lavurar en las vacanzas porta daners ed experientscha. E l'aria frestga fa bain. Keystone

Quai na schess ins dentant betg sch’ins dumonda la segunda secundara da Laax. La maioritad da las scolaras e dals scolars lavura la stad en in kiosc, en ina tegia dal SAC, en in’ustaria, en in hotel u tar vischins. Els vulan uschia gudagnar daners e rimnar experientschas per la vita da lavur.

Betg tuts vulan lavurar

I dat dentant era scolars e scolaras che dian sapientivamain: «Na, jau na vi betg lavurar durant mias vacanzas.» Intgins fan fufragnadis, auters lessan giudair e far nagut. La fin finala è il temp liber custaivel, e dis da vacanzas passan per regla pli spert che dis da scola.

RR actualitad