Siglir tar il cuntegn

Header

Mal il chau, mal las giugadiras e fevra - tipics sintoms da grippa.
Legenda: Mal il chau, mal las giugadiras e fevra - tipics sintoms da grippa. Keystone
cuntegn

Chantun Danunder vegn la grippa?

Insacura vegn ella mintg'onn: La grippa. Ina giada pli baud, ina giada pli tard. Questa stagiun plitost baud. Gia il december. Ma danunder vegn ella insumma? E daco insumma adina l'enviern?

audio
Bunura: grippa - ina malsogna che vegn adina puspè
02:44 min, Actualitad dals 21.02.2017.
laschar ir. Durada: 02:44 minutas.

Mintg'onn puspè vegn l'unda da grippa en Svizra. Ina giada gia il december, l'autra giada pir il favrer. Tge ch'è segir è, ch'ella vegn durant l'enviern. La raschun è ch'ils virus han gugent il fraid, quai di l'infecziologa da l'ospital chantunal Alexia Cusini. En il fraid e sitg pon els sa derasar meglier. Perquai èn els activs l'enviern. Cura che nus avain stad è la grippa sin la mesadad dal sid dal mund, l'enviern vegn ella puspè tar nus.

Mintg'onn novs virus

La raschun che nus pudain survegnir mintg'onn da nov la grippa è ch'ils virus sa midan, els muteschan. Mintg'onn vegnan novs e betg mo quai. I na dat betg LA grippa, mintg'enviern datti numnadamain plirs tscheps da virus cun differentas fermezzas. I po pia esser ch'ins ha pliras grippas durant ina stagiun da grippa, perquai ch'ils virus èn differents. E cunquai ch'els sa midan adina puspè, na vegnin nus er betg immuns encunter la grippa sco per exempel encunter la virola selvadia.

Artitgels legids il pli savens

Scrollar a sanestra Scrollar a dretga