Quels èn instruments impurtants per la planisaziun da la chatscha. Els gidan ad auzar localmain effectivs da selvaschina flaivels, a meglierar la structura natirala dals effectivs sco er a proteger spezias da selvaschina periclitadas cunter ils disturbis da la chatscha.
Asils da selvaschina sin ina surfatscha da 1114 km²
En il rom da la nova regulaziun concludida è il dumber d'asils da selvaschina generals vegnì augmentà da 215 a 230, il dumber d'asils da chatscha auta da 19 a 22 ed il dumber d'asils da chatscha bassa da 44 a 53. Tar las autras categorias d'asils èn vegnids determinads sco fin ussa 1 asil da chavriels e 22 asils da muntanellas. Il dumber d'asils da lieurs è vegnì reducì per 8 a 46. Il dumber d'asils d'utschleglia è vegnì augmentà a 21 ed il dumber d'asils d'utschleglia da l'aua a 46.
Ensemen cun il parc naziunal svizzer e cun ils sis asils da selvaschina federals resulta en il chantun ina surfatscha totala d'asils da selvaschina da 1114 km².
RR novitads 10:00