Siglir tar il cuntegn

Header

cuntegn

Chantun Dapli clients da la GKB sentan ils tschains negativs

Ils tschains negativs da la Banca naziunala svizra restan probabel anc in mument. Quai survegnan uss er dapli clients da la Banca Chantunala Grischuna da sentir.

A partir dal fanadur valan per contos cun ina summas da passa trais milliuns francs ina taxa da 0,75% per onn. Quai communitgescha la banca chantunala.

Fin ussa valeva questa taxa pir tar contos cun ina summa da passa 10 milliuns francs.

Er novs clients pertutgads

Novs clients da la banca chantunala che deponan a partir da l'avrigl che vegn passa 250’000 francs, ston medemamain pajar questa taxa.

Tschains negativs dapi quatter onns

Avant radund quatter onns ha la Banca naziunala svizra introducì ils tschains negativs. Quests tschains negativs influenzeschan la profitabilitad da las bancas. Fin uss desistan ellas però da dar vinavant ils tschains negativs als clients pitschens ed a firmas pitschnas.

RR novitads 15:00

Artitgels legids il pli savens