Il cussegl grond augmenta la cifra dals derschaders a la dretgira chantunala da 5 sin 6. La decisiun da midar la lescha è crudada cun 95 a 14 vuschs, cun in’abstenziun.
L’augment succeda sin dumonda da la dretgira sezza. La raschun è in augment dal dumber dals cas ed in augment da la lavur per ils singuls cas. Ils derschaders a la dretgira chantunala lavuran en uffizi cumplain. Actualmain sa tracta quai da quatter umens ed ina dunna. Il derschader supplementar custa il maun public 262'000 francs l’onn.
