Siglir tar il cuntegn
Inhalt

Chantun Dapli giasts, ma damain daners en cassa

Las pendicularas grischunas han dumbrà il schaner 4% dapli giasts ch'il schaner avant in onn. En media dals ultims tschintg onns resulta il schaner 2018 in levet plus da 0,9%.

Plirs skiunzs.
Legenda: Las pendicularas èn optimisticas per la stagiun d'enviern. Keystone

La svieuta da transports è dentant sa reducida levamain, quai probabel pervi da rabats en connex cun l'aura trida. En media dals ultims tschintg onns munta il minus a 2%. Sco quai che Pendicularas Grischun scriva, dettia grondas differenzas en las singulas regiuns e destinaziuns.

Entant ch'il schaner 2017 aveva pauca naiv e bler sulegl, ha il schaner 2018 gì blera naiv e pauc sulegl, uschia decleran las pendicularas las differenzas.

Per il rest da la stagiun 2017/18 èn las pendicularas optimisticas. Quai grazia a la situaziun da naiv che saja ideala.

RR novitads 11:00