Dapli giuvenils grischuns vulan ir en scola media

Il dumber da scolaras e da scolars en il chantun Grischun mussa tendenzas regressivas. Tuttina han quest onn dapli giuvenils fatg in examen d’admissiun per ina scola media grischuna. Dus da trais han fatg l’examen cun success.

Il dumber da scolars e scolars sa sminuescha en l’entir chantun Grischun. En cumparegliaziun cun l’onn passà han tuttina dapli scolaras e scolars fatg in examen per ina scola media. Sco l’uffizi chantunal da furmaziun media-superiura communitgescha hajan questa primavaira 797 (2015:739) scolaras e scolars fatg l’examen d’admissiun.

Da las 366 (2015:337) scolaras e scolaras che han absolvì ils 16 da favrer 2016 l’examen d’admissiun per l’emprima classa dal gimnasi han 224 (2015: 228) fatg quest examen cun success. Dals 431 (2015:402) giuvenils che han fatg l’examen d’admissiun chantunal per la terza classa dal gimnasi u per ina emprima classa d’ina scola media commerziala ni spezialisada, han 307 (2015:308) dumagnà l’admissiun ad ina scola media grischuna.

RR novitads 10:00