Siglir tar il cuntegn

Header

cuntegn

Dapli glieud - dapli accidents Enviern da record per l'Ospital chantunal

Las bunas cundiziuns d'aura e naiv carmalan la glieud sin pista. La consequenza: dapli accidents. L'ospital chantunal a Cuira ha registrà enfin ussa 550 cas. L'onn passà eran quai fin qua 450 cas.

Las bunas cundiziuns da naiv e la bell'aura han era consequenzas per l'Ospital chantunal a Cuira. Cristoph Sommer, il capomedi da la chirurgia d'accidents, ha nudà fin ussa 550 accidents cun skis ni snowboard.

En egl dat che dapli skiunzs che snowboardists èn pertutgads.
Autur: Cristoph Sommercapomedi da la chirurgia d'accidents

«Il medem temp da l'onn passà eran quai 450 cas», resumescha Sommer. Ina raschun u in motiv per quest augment n'ha il medi betg.

Temp intensiv per la REGA

Blera glieud sin pista munta automaticamain er dapli lavur per ils patrugliaders da salvament. Els decidan al lieu, sch'i dovra er in helicopter da la REGA. Il schaner è tenor la pledadra da medias Corina Zellweger sgulada la REGA davent da Vaz Sut e Samedan en tut 160 giadas per accidents da sport d'enviern. Il schaner 2019 eran quai 100 sgols.

RTR actualitad 07:00

Artitgels legids il pli savens

Scrollar a sanestra Scrollar a dretga