Siglir tar il cuntegn

Chantun Dapli guardias da cunfin per il Grischun

Il chantun Grischun ha inoltrà in'iniziativa a la Confederaziun. Quella pretenda d'adattar il dumber da corps da guardias da cunfin als basegns da segirtad. Quai cumpiglia in augment da persunal en il futur.

Guardia da cunfin che controllescha ils palpieris d'in automobilist
Legenda: Las sfidas futuras pretendan dapli guardias da cunfin per il Grischun. Keystone

La Confederaziun duai garantir che tut ils lieus sajan occupads cun tant persunal sco ch'i fetschia basegns per garantir la segirtad da la populaziun.

E mo cun augmentar il dumber da guardias e cun svilups en l'infrastructura da cunfin possia il corp ademplir sias incumbensas, argumentescha la regenza. Quai cunzunt areguard las sfidas che vegnan pli e pli grondas en il sectur da duana, da segirezza sco era da la migraziun illegala.

Naschì è quest giavisch en il Cussegl Grond. En la sessiun dal fanadur ha quel surdà l'incumbensa a la regenza.

RR novitads 09:00