Siglir tar il cuntegn

Chantun Dapli pernottaziuns en Grischun ed en l'entira Svizra

Il favrer da quest onn ha il chantun Grischun dumbrà passa 24'000 pernottaziuns dapli ch'il favrer dal 2017.

Clavs da hotel vi d'ina paraid ed in maun che prenda naven ina.
Legenda: Il Grischun ha pudì nudar il favrer 3,2% dapli pernottaziuns. Keystone

La hotellaria grischuna ha pudì nudar in augment da las pernottaziuns il favrer. Cumpareglià cun il medem temp da l'onn avant è il dumber creschì per 3,2% sin radund 760'000 pernottaziuns. Quai mussan las novas cifras da l'Uffizi chantunal per economia e turissem.

La gronda part da las pernottaziuns han Svizzers e Svizzras generà cun bunamain 480'000 pernottaziuns. Ils pli blers giasts da l'exteriur derivan cun radund 120'000 pernottaziuns da la Germania, seguì da passa 34'000 turists da la Gronda Britannia.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

Marcant augment da pernottaziuns en Svizra

En l'entira Svizra ha la hotellaria nudà il schaner e favrer in plus da 4,7% – quai cun radund 6 milliuns pernottaziuns. Radund 3 milliuns pernottaziuns èn idas sin il conto da giasts da l'exteriur. Quai munta in plus da 5,4% u 153'000 pernottaziuns dapli. Giasts svizzers han medemamain generà radund 3 milliuns pernottaziuns e chaschunà cun quai in plus da 4% u 117'000 pernottaziuns.

RR novitads 10:00