Chantun - Dapli plazzas da praticum per futurs medis da chasa
La regenza grischuna ha decidì da schlargiar il program per sustegnair la furmaziun da futurs medis da chasa. Da nov stattan a disposiziun per quest onn 8 enstagl da 6 plazzas da praticum, scriva la regenza ed ademplescha uschia ina dumonda or dal Cussegl grond.
Per pudair reagir pli spert e pli flexibel sin dapli dumondas da praticum, han ils responsabels da nov da rapportar mintgamai il zercladur davart il success dal program. Uschia duai il Grischun avair mintg'onn avunda plazzas da praticum per futurs medis da chasa.
