Siglir tar il cuntegn

Chantun Dapli requirents d'asil ils proxims mais

Dapli controllas al pass dal Brenner pudessan manar a dapli dumondas d'asil en Svizra. En consequenza spetga er il chantun Grischun cun dapli dumondas durant la stad.

Polizia da duana.
Legenda: Las dumondas d'asil pudessan s'augmentar en il Grischun durant la stad. Keystone

Las cifras da fugitivs en l'Europa s'augmentian ed cun quai vegnian era puspè dapli fugitivs en il Grischun. Quai ha ditg il cusseglier guvernativ responsabel Christian Rathgeb davant las medias.

Ils centers per requirents d'asil sajan entant occupads per 80%, numnadamain 920 dals totalmain 1'150 plazs. I saja perquai bain pussaivel ch'i saja la stad necessari da puspè prender en funcziun implants civils.

Tenor indicaziuns dal cusseglier guvernativ derivian ils blers fugitivs da l'Eritrea, la Siria e la Somalia. Ultra da quai ha confermà Rathgeb ch'il corp da guardias da cunfin saja vegnì schlargià punctualmain.

RR novitads 14:00