Siglir tar il cuntegn

Header

cuntegn

Chantun Dapli segirezza en vista a privels da la natira

Il chantun Grischun scolescha dapi bunamain 2 onns cussegliaders da privels da la natira.

Uss èn ils emprims experts scolads, e quels vegnan integrads en ils stabs da las vischnancas, scriva l’Uffizi chantunal da guaud e privels da la natira.

Il motiv per scolar experts èn stadas las malauras dal 2005 a Claustra e dal 2002 en la Surselva. Cun analisar questas malauras èsi sa mussà, ch’ils gronds donns materials en territoris da privel enconuschents avessan pudì vegnir limitads cun avertir a temp, e cun intervegnir cun cleras finamiras.

La scolaziun sco experts locals survegnan surtut selviculturs e spezialists che han gia uss da far cun privels da la natira.

RR Novitads 12:00

Artitgels legids il pli savens