Uschia po il Grischun remunerar proprietaris che renoveschan lur immobiglias pli generus ch'enfin quà. Quai communitgescha la chanzlia chantunala.
Parts da l'edifizi che chaschunan gronds custs, sco la fatschada u il tetg, vegnan sustegnidas da nov cun 60 francs per meter quadrat enstagl da 30 sco enfin quà. Ils daners per quest sustegn vegnan per ina buna part da la taxa sin CO₂.
Ulteriur bonus per sanaziun generala
Sche proprietaris fan tar lur edifizis ina sanaziun generala paja il chantun in bonus. Quai bonus sa referescha sin la promoziun per l'isolaziun da fatschada e tetg, paraid e fund cunter terren. Quests elements da construcziun vegnan sustegnids cun ina dubla contribuziun. Plinavant vegnan era energias regenerablas (implant solar, stgaudament cun laina e pumpa a chalur e.u.v.) promovidas e sustegnidas.
RR novitads 10:00