Siglir tar il cuntegn

Header

cuntegn

Chantun Dar la vusch a Heidi e collegas

Proxim atun vegn ina nova seria da Heidi a la televisiun. En tut vegnan mussads 39 episodas. Questa nova seria vegn era sincronisada en tudestg svizzer.

Per dar las vuschs a Heidi, Pieder, Karl, Theresa e Willi han uffants (2001-2005) che discurran tudestg dal Grischun pudì s’annunziar. La fin finala han 20 uffants dal Grischun dastgà mussar la davosa fin d’emna lur talent. A Lai è stà in casting, nua ch’ina giuria ha guardà tge uffant ch’è adattà per tge rolla.

audio
Bunura: A Lai han 15 mattas e 5 mats fatg il casting per la nova seria da Heidi
ord Actualitad dals 26.05.2015.
laschar ir. Durada: 2 minutas 28 Secundas.

Tut surstada

En la giuria è tranter auter stada Jolanda Steiner. Ina da las pli enconuschentas raquintadras da paraulas en Svizra. Ella saja stada tut surstada, sco ils uffants èn vegnids avant il microfon ed han cumenzà a discurrer. Nagin n’haja gì tema da simplamain discurrer lur rolla.

Ils victurs dal casting vegnan annunziads en il decurs da quest’emna. Sincronisada vegn la seria alura tranter il zercladur ed avust da quest onn.

Artitgels legids il pli savens