Chantun - Debattas dal Cussegl grond en futur live en la rait
En l'avegnir pon Grischunas e Grischuns guardar las debattas dal Cussegl grond live en la rait. Senza discussiun e cun 105 cunter 3 vuschs ha il Cussegl grond approvà la proposta che deriva da la conferenza dals president.
Las sessiuns d'avrigl e dal zercladur duain servir sco pilots per ils livestreams. A partir da l'avust èsi lura pussaivel da persequitar mintga sessiun dal parlament grischun online. Las sessiuns dal Cussegl grond èn gia oz publicas, ins sto dentant vegnir a Cuira sin la tribuna da la sala dal parlament.
Cun questa decisiun è la sessiun dal favrer dal Cussegl grond ida a fin schon in zic pli baud.
