L’onn passà han bundant 1’804 automobilistas e automobilists stuì dar giu lur permiss en il Grischun. Quai èn 81 cas ubain 6,5% damain ch’il 2018. Quai mussa la nova statistica da l’Uffizi federal da statistica. Il pli savens, numnadamain 687 giadas, han automobilists stuì dar giu il permiss, perquai ch'els charravan memia svelt. Il segund savens han automobilists en Grischun stuì dar giu il permiss, perquai ch'els charravan alcoholisads. Quai è stà 242 giadas il cas.
Dapli cas da distracziun
En l’entira Svizra han l’onn passà bunamain 80’000 automobilists stuì dar giu il permiss dad ir cun auto. Quai èn 0,2% damain ch’il 2018. Las raschuns principalas per la retratga dal permiss èn er vesì sur l'entira Svizra, ch’ils automobilists charravan memia svelt u ch'els eran alcoholisads. Passa 27'000 han stuì dar giu il permiss pervi dad ir memia svelt e passa 13'000 perquai ch'els eran alcoholisads.
Tar las cifras svizras dat ultra da quai en egl che bunamain 8'000 persunas han stuì dar giu il permiss pervia da distracziun. Suenter che quella cifra era sur onns ida enavos, hai il 2019 puspè dà in augment dad automobilists distracts.
Ord l'archiv:
RTR novitads 15:00