Departament da finanzas - Patrik Galliard daventa nov secretari da departament - Novitads

Departament da finanzas Patrik Galliard daventa nov secretari da departament

Autur: CDM / Onna Riedi

A partir dal 1. d'avrigl surpiglia Patrik Galliard il post da secretari dal departament chantunal da finanzas e vischnancas. Ils ultims 12 onns ha l'advocat da 46 onns lavurà en differentas funcziuns tar la surveglianza dal martgà da finanzas dal Liechtenstein, l'ultim sco manader da partiziun.

Patrik Galliard succeda a Beat Ryffel. Suenter 30 onns sco secretari dal departament va Ryffel en pensiun la fin da mars 2020.

Il departament da finanzas e vischnancas ademplescha differentas incumbensas sco l'administraziun da taglia, la surveglianza da las vischnancas u la valitaziun d'immobiglias. Ultra da quai surpiglia el incumbensas interdisciplinaras per l'entira administraziun. Latiers tutgan en spezial servetschs d'informatica e la planisaziun da las finanzas sco er il management dal persunal.

Il secretariat dal departament planisescha e coordinescha las fatschentas dal departament e sustegna ils posts da servetsch.

audio

Per tadlar: Las novitads da las 10:00

03:23 min, Novitads dals 26.09.2019.

abspielen. Laufzeit 03:23 Minuten.

RR novitads 10:00