Siglir tar il cuntegn
Inhalt

Chantun Depressiuns, burnout, patratgs da suicid – i po tutgar mintgin

Mintga segund patescha en il decurs da sia vita d'ina malsogna psichica. Tschantschar da quai è dentant anc adina per blers tabu. Cun l'acziun «i pertutga nus tuts» vul il chantun rumper tals tabus.

l'acziun da l'uffizi da sanadad mussa cun differentas occurenzas co ir enturn cun malsognas psichicas.
Legenda: «I pertutga nus tuts» l'acziun da l'uffizi da sanadad mussa cun differentas occurenzas co ir enturn cun malsognas psichicas. RTR

Il cor dat uschè svelt e fitg ch'el para da siglir or dal pèz, la schanuglia trembla sco sch'ins stess avant in tigher cun dents gizzads. Uschia as po sa sentir durant in'attatga da panica – ina reacziun corporala sin in disturbi da tema. Saja quai tema da filiens, tema da stanzas stretgas ubain tema da bandunar la chasa. Disturbis da tema tutgan tar las pli frequentas malsognas psichicas. Dentant quasi nagin gughegia da tschantschar dals quitads. La tema da «betg esser normal» è anc adina gronda. L'uffizi da sanadad vul cun 34 differentas acziuns en l'entir chantun rumper cun quest tabu.

RR actualitad 07:00