Derschader chantunal Pedrotti entra en la PPS dal Grischun

Il derschader chantunal Davide Pedrotti da San Vittore è da nov commember da la PPS dal Grischun. Quai ha communitgà la partida. Pedrotti era vegnì elegì il prim da settember en quest uffizi sco candidat senza partida.

Il nov derschader chantunal, Davide Pedrotti. Bild in Lightbox öffnen.

Legenda da maletgs: Il nov derschader chantunal, Davide Pedrotti, è uss commember da la Partida populara svizra dal Grischun. RTR, Sabrina Bundi

La PPS dal Grischun aveva crititgà lezza giada ch'ella haja era in dretg sin in sez en la dretgira chantunala. Lur candidat Fortunat Wolf, n'era betg vegnì elegì.

Sco la PPS dal Grischun scriva, haja Pedrotti inoltrà la dumonda da commembradi suenter sia elecziun. Tenor la partida saja la represchentanza da la lingua taliana tras Pedrotti in punct fitg impurtant, al qual ella saja uss suandada cun la recepziun dal nov derschader.

RR novitads 10:00