Siglir tar il cuntegn

Header

Fluras.
Legenda: Colourbox
cuntegn

Di dals malsauns «Vulnerabel ma ferm»

Il di dals malsauns ha la finamira d'unir persunas saunas e persunas malsaunas ed uschia cumbatter che persunas malsaunas daventan isoladas. En quest senn pensa il minister da sanadad Peter Peyer vid las malsaunas ed ils malsauns dentant er las persunas saunas en il Grischun.

Mintga persuna vegn confruntada durant la vita cun malsognas, impediments ubain culps dal destin. Saja quai sco pertutgada u pertutgà direct ubain sco persuna en il conturn. L'onn 2020 ha mussà che sanadad n'è betg ina chaussa che sa chapescha da sasez e ch'ina crisa po influenzar fitg la psica. En quest senn sa drizzan d'ina vart il minister da sanadad chantunal, Peter Peyer, sco er il president da la Confederaziun, Guy Parmelin, a la populaziun.

audio
Pled da Guy Parmelin a chaschun dal di dals malsauns
03:46 min, RTR Audio dals 04.03.2021.
laschar ir. Durada: 03:46 minutas.

Resilienza durant la crisa da corona

Co persunas acceptian e surmuntian ina crisa saja fitg individual e dependia da la resilienza d'in e scadin. Perquai na dettia er betg in recept general per restar psichicamain saun durant in temp dir. I saja dentant impurtant da savair, ch'ins na saja betg persul, la cuminanza possia esser in grond agid. Quai scriva Peter Peyer, il minister da sanadad en ses pled, drizzà a la populaziun. El appellescha er d'ir enturn avertamain cun problems ed uschia dar cuntravent a stigmatisaziuns.

Il di dals malsauns duai esser occasiun per exprimer cumpassiun cun tut las persunas malsaunas, ma er engraziar al persunal da tgira ch'è spezialmain sut squitsch sco er a tut ils confamigliars che tgiran persunas.

RTR novitads 06:00

Artitgels legids il pli savens

Scrollar a sanestra Scrollar a dretga