I na dat betg be sanestrers u dretgers mabain era persunas cun l'abilitad da metter en omadus mauns tuttina bain. Tenor il stan da savida dad ozendi èsi fixà gia avant la naschientscha sch'ins è dretger u sanestrer. Sco quai ch'il neuropsicholog Martin Meyer ha declerà envers il Beobachter, na sa differenzieschan ils tscharvès dals sanestrers betg fundamentalmain da tals dals dretgers.
Mitos u vardad
Tge maun ch'è pli dominant n'ha era nagina correlaziun cun l'intelligenza u las abilitads motoricas. Dentant dettia indizis, che las parts da la mesadad dretga dal tscharvè èn pli fermas tar ils sanestrers. Tar ils dretgers èsi il cuntrari. Abilitads musicalas u artisticas duaian esser dominadas plitost da la mesadad dretga, il patratgar logic e matematic haja lieu plitost en la mesadad sanestra. Da quest fatg deriva probablamain er il mitos che sanestrers sajan pli creativs.
RR actualitad 07:00