Siglir tar il cuntegn

Header

cuntegn

Chantun Di mundial da l’aua – era en il Grischun è l’aua insacura finita

Ils 22 da mars è il di mundial da l’aua. Era sch’i è per nus en il Grischun ed en l’entira Svizra evident che buna e schubra aua cula ord la spina, savess aua vegnir in di stgarsa era tar nus.

Ina gronda part da nossa aua en las alps deriva oz dals glatschers e da las reservas da glatsch. En il decurs da quest tschientaner vegnan tenor prognosas dal clima dentant tut ils glatschers en il Grischun ed en l'entira Svizra a svanir. Lura manca l'aua che lieua la primavaira e la stad en ils dutgs e flums.

video
Di mundial da l'aua
Or da Actualitad dals 22.03.2017.
laschar ir. Durada: 1 minuta 45 Secundas.

Mantegnair la qualitad da l’aua è medemamain ina sfida

Sper la midada dal clima è era il mantegniment da la qualitad da l’aua ina sfida per il Grischun. Sco Remo Fehr, manader da l'Uffizi per la natira e l'ambient dal Grischun di, èsi era adina pli grev da mantegnair ina buna qualitad da l’aua da baiver. Entras ils conflicts d’utilisaziun saja uss pli impurtant che insacura da proteger las zonas da funtaunas d’aua da baiver. Uschia n'èsi betg mo il pensum dal chantun da controllar la qualitad da l’aua mabain era da segirar quellas zonas da protecziun.

RR actualitad 17:00

Artitgels legids il pli savens