Differentas midadas tar la Plima d’Aur/Pledpierla

Dapi il 1998 organisescha la Lia Rumantscha la concurrenza da scriver Pledpierla en Engiadina, e dapi il 2005 la concurrenza da scriver Plima d’aur/Miur romontscha en Surselva/Surmir.

Plima d'aur en ina stgatla. Bild in Lightbox öffnen.

Legenda da maletgs: Ils victurs vegnan da nov premiads cun daners, e betg pli cun ina plima d’aur simbolica. RTR, L. Livers

A partir da quest onn datti differentas midadas, ha confermà la Lia Rumantscha. Da nov vegn definì in tema, sur dal qual ils scolars e giuvenils enfin 25 onns duessan scriver. Quest onn è il tema "En 10 onns". Ils texts èn limitads sin duas paginas A4.

Texts vegnan prelegids als Dis da litteratura

En Surselva ed en il Grischun Central na vegnan ils texts betg pli premiads cuminaivlamain, las 2 regiuns vegnan separadas l’ina da l’autra. Da nov pon ils giuvens scrivents preleger lur texts tar ils Dis da litteratura a Domat.