Siglir tar il cuntegn

Header

cuntegn

Differentas opiniuns Datti uss ina nova unda d'infectads?

L'emprima schluccada ha gì lieu ils 27 d'avrigl ed en curt suonda la segunda schluccada. Ils 11 da matg avran, scolas, ustarias e fatschentas puspè lur portas e quai malgrà che epidemiologs e studis averteschan d'ina segunda unda d'infecziuns.

Segunda unda forsa pli baud che pensà

Ch'i vegn a dar ina segunda unda d'infecziuns è per la media chantunala Marina Jamnicki cler. E quai saja forsa gia pli baud che quai ch'ins pensa. Ella quinta cun la segunda unda mez matg u entschatta zercladur. Dentant era sche quella segunda unda vegn, sajan las schluccadas stadas necessarias e vegnidas en il dretg mument. Tenor Marina Jamnicki vegn la segunda unda dentant betg pli gronda che l'emprima. Impurtant saja ussa da resguardar las reglas per impedir ina derasaziun dal virus.

Autras opiniuns tar il BAG

Il cumportament da la populaziun è per Daniel Koch da l'Uffizi federal da sanadad da gronda impurtanza. Sch'i vegn a dar ina segunda unda u betg saja perquai intschert, ha el detg a la conferenza da pressa a Berna. E tenor Matthias Egger, schef Science Task Force Covid 19 possia mintgin far bler per impedir ina segunda unda:

video
Matthias Egger: «Nus pudain impedir ina segunda unda»
Or da News-Clip dals 01.05.2020.
laschar ir

RTR actualitad 17:00