Siglir tar il cuntegn

Header

Navigaziun

Poppa cun resti da chatscha
Legenda: Trais apparats per observar la selvaschina durant la notg e trais perspectivs èn vegnids engulads a l'exposiziun «Passiun». PASSIUN.CH
cuntegn

Chantun Differents enguladitschs a l'exposiziun «Passiun»

A trais expositurs èsi vegnì engulà trais apparats per observar la selvaschina la notg e trais perspectivs. Quai ha la Polizia chantunala confermà al schurnal regiunal dad SRF.

La valur dals apparats engulads schazegia Marco Engel, l'organisatur da l'exposiziun a Cuira sin tranter 10'000 fin 15'000 francs. Sco quai ch'el ha ditg al schurnal regiunal dad SRF, giaja el da quai ora che l'enguladitsch saja stà planisà. Tut la rauba saja numnadamain vegnida engulada sonda entaifer dad in'ura. En ils ultims 20 onns ch'el saja stà responsabel per exposiziuns sco la Passiun, la Guarda e la HIGA n'haja quai anc mai dà in enguladitsch.

Per il futur veglian els empruvar d'evitar tals enguladitschs cun installar explicitamain cameras per observar ils stans ch'exponan rauba d'auta valita.

RR novitads 12:00