Siglir tar il cuntegn

Header

Ils 5 rintgs che simboliseschan ils gieus olimpics.
Legenda: Ils 5 rintgs che simboliseschan ils gieus olimpics. Keystone
cuntegn

Chantun Direcziun dal parlament turitgais per gieus olimpics cuminaivels

La direcziun dal parlament turitgais ha fatg visita en il Grischun, la mesemna han ils politichers dal Grischun beneventà lur collegas da Turitg. E sa chapescha han els er fatg reclama per ils gieus olimpics 2026 ed ina collavuraziun pussaivla.

Ed ils presidents da fracziun da la PLD, da la PBD e da la PS èn interessads vid ina collavuraziun cun il Grischun. Sulet la presidenta da fracziun dals Verds n’ha betg laschà persvader dals arguments. Esther Guyer è da l’avis che gieus olimpics sajan in memia grond gigantissem, ed i dettia pli impurtantas chaussas che gieus olimpics.

Fin sonda restan ils parlamentaris turitgais anc en il Grischun, ed han uschia anc peda da discutar ina pussaivla candidatura communabla per ils gieus olimpics 2026.