Siglir tar il cuntegn

Header

Dus dunnas en in hamac, placat da la campagna "Co vai cun tai?"
Legenda: «Co vai cun tai?» In dals plactas che duai gidar a sensibilisar la glieud per problems psichics. graubuenden-bewegt.ch
cuntegn

Chantun Dis d’acziun «Co vai cun tai?» - la bilantscha

Tranter ils 9 da settember ed ils 11 d’october han gì lieu in tut il Grischun differentas occurrenzas cul tema sanadad psichica. Finamira dals dis d’acziun «Co vai cun tai?» era da sensibilisar la glieud per la sanadad ed ils problems psichics.

Tenor Valeria Ciocco, la manadra dal program per sanadad psichica dal Grischun, avevan las occurrenzas per gronda part grond success. Sper ils temas «classics» sco depressiun e burnout han er tematicas sco sexualitad, mentalitad e prevenziun psichica svaglià l'interess da las Grischunas ed ils Grischuns.

Da las sur 55 occurrenzas eran radund 45 bain visitadas. Otg arranschaments avevan mo stgars public, trais èn vegnids ditg giu.

Ch'i ha dat relativamain blers visitaders sa declera Valeria Ciocco cun la gronda diversitad da las occurrenzas ed era cun la relativamain gronda gruppa avisada. Per mintgin saja stada interessanta ina u l’autra occurrenza.

En 2017 preschenta la campagna naziunala «Co vai cun tai?» novs placats per motivar la glieud da discurrer sur da problems psichics. Ils dis d’acziun dessan en mintga cas cuntinuar. Ils proxims varan lieu en l’atun 2018.

Dapli da Grischunavrir la Landingpage

Nach links scrollen Nach rechts scrollen