En l'argumentaziun hai tranter auter num ch'ì saja reussì als Dis da litteratura cun grond engaschi persunal da sa far in num e da chattar renconuschientscha lunsch sur ils cunfins dal Grischun ora.
Impressiunanta n'è betg mo la perseveranza dals organisaturs, mabain era la popularitad extraordinaria e cuntinuanta dals Dis da litteratura – e quai betg mo tar l'elita arrivada, mabain era tar ils litterats pli giuvens ed anc nunenconuschents.
Dapi il 1990 porschan ils Dis da litteratura ina plattafurma ad auturas ed auturs sco er als amaturs da la litteratura rumantscha. Sco occurrenza culturala promovan els era la schientscha da la Svizra rumantscha per l'atgna cultura. Ils Dis da litteratura han mintgamai lieu il november a Domat.
RR novitads 11:00 / RR actualitad 17:00
