Siglir tar il cuntegn

Header

cuntegn

Chantun Dischoccupaziun durant la stagiun bassa – Tge fa il Grischun?

Il chantun Vallais vul reducir il dumber da dischoccupads durant la stagiun bassa cun reglas pli severas e cun promover il barat da lavurants p. ex. tranter fatschentas da construcziun e pendicularas. Tenor il manader da l'Uffizi da lavur dal Grischun, Paul Schwendener, ha il Grischun gia quai.

Tenor Paul Schwendener n'è il problem en il Grischun betg il medem sco en il Vallais. D'ina vart haja il Vallais en general dapli dischoccupads durant la stagiun bassa ch'il Grischun. Il Grischun haja da quai da 1'000 fin 1'200 dischoccupads dapli durant la stagiun bassa che durant la stagiun auta. Il Vallais haja il schaner gia radund 3'000 dischoccupads be en la branscha da construcziun.

audio
Bunura: Dischoccupaziun stagiunala - Tge fa il Grischun?
ord Actualitad dals 24.11.2016.
laschar ir. Durada: 2 minutas 21 Secundas.

Plinavant haja il Grischun gia instradà u realisà plirs projects sco quai ch'il Vallais fetschia uss, uschia Schwendener. Il project per il barat da lavurants tranter la branscha da construcziun e las pendicularas haja il chantun gia instradà avant onns. Quel funcziuna tenor Schwendener uschè bain tranter ils singuls patruns ch'il chantun na stoppia far nagut pli en quest connex. Actualmain vegnia realisà in project da barat tranter il Grischun ed il Tessin tenor il motto: L'enviern en la naiv, la stad dasper l'aua.

Pled disturba Paul Schwendener

Il manader da l'Uffizi chantunal da lavur sa disturba vi dal pled «Rückrufquote» che descriva la dischoccupaziun stagiunala.

Il pled implitgescha quasi ch'il patrun deponia durant la stagiun bassa ses lavurants tar l'assicuranza cunter la dischoccupaziun e clomia suenter puspè enavos els per maximar ses gudogn.
Autur: Paul Schwendener manader da l'Uffizi da lavur dal Grischun

Quai na saja insumma betg il cas en il Grischun. Bleras fatschentas sajan sfurzadas da relaschar glieud durant la stagiun bassa pervi dal squitsch da la concurrenza. I giaja per il surviver ed insumma betg per socialisar ils custs, uschia Schwendener vinavant.

RR actualitad 07:00

Artitgels legids il pli savens