Il mars 2019 èn 1’137 persunas en il chantun Grischun stadas senza lavur. Quai correspunda ad ina quota da dischoccupaziun dad 1%. Uschè bassa n’è la quota betg pli stada dapi passa 15 onns. L’onn 2008 è ella stada datiers, cun ina quota dad 1,1%.
Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns
Cifras da l'Uffizi d'industria, mastergn e lavur GR (stan 09-08-2019)
En l’entira Svizra è il dumber da dischoccupads sa sbassà da 119’473 sin 112’341 persunas senza lavur. La quota svizra giascha cun quai tar 2,5%. Er en Svizra n’è la quota dapi passa 15 onns betg pli stada uschè bassa.
Legenda:
Quota da dischoccupaziun: Cliccar sin ils onns per activar e deactivar las lingias per cumparegliar la quota da dischoccupaziun da differents onns
Cifras da l'Uffizi d'industria, mastergn e lavur GR
RR novitads 08:00