Siglir tar il cuntegn

Header

Nus dumandain quai a persunas, che han causa corona lur mintgadi che stat sin il chau.
Legenda: Co è stà tes di? Nus dumandain quai a persunas, che han causa corona lur mintgadi che stat sin il chau. RTR
cuntegn

Discurs Co(rona) è stà tes di?

Ella è quasi il Daniel Koch dal Grischun... Quai è bain in zic exagerà, dentant Alexa Caduff è toxicologa ed immunologa e raquinta en in discurs sur da ses mintgadi en il stab da corona dal chantun Grischun.

Avais er gia tramess in’uraziun a tschiel per che quest corona possia finalmain ir «ali diavel»? En il discurs dad oz discurrin nus cun la decana Cornelia Camichel-Bromeis. Ella fa parallelas cun pandemias biblicas e raquinta, tge schanzas per la baselgia e per la societad ch’ella vesa entras il coronavirus.

Ella na po betg tegnair distanza da persunas infectadas cun il coronavirus, perquai ch'ella lavura dapi passa 15 onns sin la staziun intensiva da l'Ospital chantunal dal Grischun. Barla Casanova raquinta qua, sco corona mida ses mintgadi.

Martin Tomaschett, il medi da chasa da Trun, raquinta, co ch'il coronavirus ha influenzà il mintgadi dad el e da ses pazients. E be per far gust: El ha insumma cletg ch'el è en Svizra, perquai che la Columbia avess il pli gugent serrà el sin in'insla. Sia istorgia e co sia pratica a Trun dumogna il mintgadi cun corona, pudais tadlar qua:

Andreas Müller è normalmain schef da marketing dals indrizs da sport da la citad da Cuira. Dentant las ultimas emnas è el vegnì clamà en il stab da corona da la citad. Qua raquinta el, co ch'el è vegnì tar il cletg (ubain discletg?) da quest post e co ch'il team da 7 persunas mantegna mintga di la buna luna, malgrà ch'els ston nonstop sa fatschentar cun il virus.

Seria da discurs

Textbox aufklappenTextbox zuklappen

En la mini-seria «Co(rona) era tes di» discurrin nus cun persunas che han lur mintgadi ch' è massivamain sa midà dapi ch'il coronavirus ha cuntanschì il Grischun. Il discurs cumpara 5 giadas, mintga di davent da las 17:00 uras sin rtr.ch ubain sin play RTR.

Artitgels legids il pli savens

Scrollar a sanestra Scrollar a dretga