Siglir tar il cuntegn
Inhalt

Chantun Disput tranter Pult e Marti è mess ad acta

La mesemna passada hai dà en il cussegl grond ina pitschna dispita tranter il president da la citad da Cuira, Urs Marti ed il president da la PS Grischuna, Jon Pult.

tweet da jon pult
Legenda: Il "tweet" dispittaivel ch'il deputà Jon Pult aveva tramess. Twitter; @jonpult

Pult aveva publitgà sin twitter ina chaussa che n'aveva betg plaschì ad Urs Marti.

El saja stà nagut auter che sincer, ha ditg Jon Pult envers RTR. Chaussas ch'el na dia betg en il parlament u a las medias publitgeschia el era betg sin las raits da social media.

Tenor il politolog Mark Balsiger, saja il tweet stà in pau provocant, ma definitivamain betg sut la tschenta. Insumma saja il provocar era part da la politica, uschia Balsiger.

Urs Marti e Jon Pult han anc scrit in pèr mails in a l’auter suenter la dispita. Mo uss è quella mess ad acta. Quai han omadus ditg envers RTR.