Siglir tar il cuntegn

Chantun Domat flurescha – il rest patescha

Durant ch’ils tamburs da Domat festiveschan in success suenter l’auter, èsi tar las autras uniuns fitg ruassaivel.

Legende: Video Tamburs a Rabius abspielen. Laufzeit 04:04 Minuten.
Or da L'archivar recumonda dals 06.06.1987.

Tenor Damian Jensky, vicepresident da l’uniun da tamburs da la svizra orientala, è il motiv per quest midament che blers musicist na lavurian betg pli en ils vitgs da naschientscha è na sajan era betg pli pronts da far in lung viadi per ina prova. A Domat saja la situaziun dentant anc in zic autra. La sajan ils viadis si da Turitg pli curts che fin si Mustér. In auter avantatg dals tamburs da Domat saja la grondezza da l'uniun. Grazia a quella hajan els schizunt la pussibilitad da far gruppas d’exercizi. Uschia exercitescha ina gruppa regularmain giu Turitg e po uschia far part da l'uniun, malgrà la distanza geografica. Per exercizis impurtants, festas u eveniments s’integreschan els lura puspè en la gruppa principala.

Betg ils megliers temps – ma era betg la fin

Per bleras gruppas da tamburs grischunas vesi dentant or auter. Damian Jensky na crai però betg che la tradiziun giaja a fin. I dependia adina puspè da fermas annadas che han plaschair da far musica, star da cumpagnia e cultivar la tradiziun. Uschia restian ils commembers era pli ditg. Cunzunt tar pitschnas gruppas da tamburs possia il dumber da commembers sa dublar uschia spert.

RR novitads 11:00