Siglir tar il cuntegn

Header

cuntegn

Dretgira chantunala La fin d'avust vegnan elegids ils derschaders

Il termin na vegn betg spustà: Il Cussegl grond elegia definitivamain en sia sessiun d'avust ils derschaders da la Dretgira chantunala dal Grischun. Quai ha decis la conferenza dals presidents dal Cussegl grond. Plirs dals presidents da fracziun han confermà quai sin dumonda dad RTR.

Conferenza da presidents

Textbox aufklappenTextbox zuklappen

La conferenza da presidents è responsabla per manar ed organisar las sessiuns dal Cussegl grond:

  • Alessandro Della Vedova Alessandro, president Cussegl grond
  • Martin Wieland, vicepresident Cussegl grond
  • Vera Stiffler, presidenta fracziun PLD
  • Remo Cavegn, president fracziun PCD
  • Gian Michael, president fracziun PBD
  • Conradin Caviezel, president fracziun PS
  • Jan Koch, president fracziun PPS

Avant la decisiun avevan la Partida populara e la Partida socialdemocratica vulì spustar las elecziuns. Raschun è che la fidanza en ils derschaders dad oz na saja betg pli dada e ch'i dovria dapli temp per chattar novs candidats.

Las duas partidas n'han dentant betg pudì sa far valair cunter las partidas dal center. Uschia vegnan ils derschaders elegids anc l'avust.

Tar la Dretgira chantunala hai dà problems pervi d'in culm da pendenzas ed ina dispita entaifer il gremi dals derschaders.

Plinavant ha la conferenza da presidents era decis da tegnair la sessiun d'avust en la halla da la citad a Cuira e betg en la sala dal Cussegl grond.

RTR novitads 21:00

Artitgels legids il pli savens

Scrollar a sanestra Scrollar a dretga