Il president da la Dretgira chantunala dal Grischun, Norbert Brunner, vegn sancziunà cun ina reprimanda. Quai ha la Cumissiun per giustia e segirtad dal Cussegl grond decidì suenter ch'ella aveva constatà la primavaira passada che Brunner haja violà l'obligaziun d'uffizi en connex cun ina dispita dad ierta.
Naginas ulteriuras sancziuns
Dad ulteriuras sancziuns desista la cumissiun perquai ch'i n'haja dà naginas autras violaziuns da l'obligaziun d'uffizi da vart da Norbert Brunner durant sia activitad da blers onns. La cumissiun recumonda plinavant a la conferenza dals presidents dal Cussegl grond, da betg introducir ina procedura da relaschada d'uffizi cunter Brunner.