Siglir tar il cuntegn

Header

cuntegn

Dretgira chantunala Tgi èn ils candidats uffizials?

6 posts èn d'occupar, 7 derschaders e derschadras candideschan. 4 actuals e 3 novs. E tgi èn quels novs che duain purtar urden en la dretgira? Ils presidents da las fracziuns han pudì far curts pledoyers per lur candidats.

  • Christoph Bergamin, il candidat da la PS enconuschia bain il chantun ed haja er gia lavurà a la Dretgira chantunala da Zug, di il president da la fracziun da la PS en il Cussegl grond Conradin Caviezel.
  • Remo Cavegn da la PCD sa qualifitgeschia sco president da la Dretgira chantunala perquai ch'el saja in teamplayer ed in bun giurist cun bler experientscha, lauda ses collega Reto Crameri da la PCD el.
  • Ed Alexander Moses (PCD), il terz nov candidat senza partida che la PBD ha bittà en il carussel saja stà blers onns tar il Tribunal federal e sappia er talian, fa Gian Michael da la PBD reclama per el.

Ils pledoyers per ils derschaders en uffizi

  • Ils candidats da la PLD Ursula Michael Dürst e Micha Nydegger ch'èn gia derschaders, hajan fatg buna lavur e sajan perquai da reeleger, di Vera Stiffler, la presidenta da la fracziun da la PLD.
  • Ed er il candidat da la PCD Fridolin Hubert haja mussà en ses uffizi sco derschader, ch'el lavuria exact e saja fitg diligent, di Reto Crameri.
  • Il sulet candidat veder che n'ha betg survegnì in pledoyer è Peter Schnyder. La PBD na nominescha betg pli el, perquai ch'ella vul novas fatschas en la dretgira, suenter ils scandals dals ultims mais.

RTR actualitad 07:00

Artitgels legids il pli savens

Scrollar a sanestra Scrollar a dretga