Siglir tar il cuntegn

Header

Navigaziun

lavus vid binaris da la Viafier retica.
Legenda: La Viafier retica vegn franada da la Dretgira administrativa: Suenter ch'in impressari fa recurs pervi d'ina surdada da lavur annulescha la dretgira la submissiun, quai che vegn be avant darar. RTR, Armon Schlegel
cuntegn

Chantun Dretgira ha annullà submissiun da la Viafier retica

La Viafier retica ha survegnì in lavachau da la Dretgira administrativa grischuna, quai en connex cun la surdada d'ina lavur per passa 4,5 milliuns francs. La Retica haja surdà quella ad in impressari che haja inoltrà in'offerta cun sbagls massivs. La dretgira ha annullà la surdada da las lavurs.

La viafier retica ha uss surdà da nov las lavurs, e quai al recurrent. Concret vai per lavurs da spazzar e demontar lingias e preparar il fundament per conducts e pitgas a Landquart. Las lavurs stan en connex cun la nova staziun che la viafier vul construir.

Quellas lavurs aveva la Retica scrit ora il matg. Set impressaris avevan sinaquai inoltrà offertas. Survegnì la lavur ha la firma ch'aveva inoltrà l'offerta la pli favuraivla. L'impressari ch'è sa tschentà sin plazza dus fatg recurs tar la Dretgira administrativa. Ses argument principal: L'offerta da la concurrenza na saja betg cumpletta e memia rudimentara. Sia offerta percunter saja fitg detagliada.

Tenor Yvonne Dünser, pledadra da medias da la Retica, hajan els fatg il medem proceder sto tar tut las offertas. Els hajan valità l'offerta tenor lur program. Dad ir al tribunal saja il bun dretg da mintga pertutgà. La sentenzia dal tribunal administrativ hajan els acceptà. Midadas vi da lur sistem na vegna dentant betg a dar.

RR novitads 06:00