Siglir tar il cuntegn

Header

cuntegn

Dretgira regiunala Plessur Process en connex cun concurs Allemann e Zinsli

Oz, mardi, a las nov entschaiva a la dretgira regiunala Plessur il process cunter l'anteriur president da la firma fiduziara Allemann e Zinsli. El vegn accusà tranter auter d’avair defraudà daners e sfalsifitgà documents. I sa tracta d’in process fitg cumplex che cuzza trais dis.

Las irregularitads eran vegnidas a la glisch avant tschintg onns. L'accusà era stà president da la firma fiduziaria Allemann e Zinsli. Curt suenter che ses frar schumellin aveva surpiglià il presidi, aveva la firma fiduziara fatg concurs ed accusà l'anteriur president ch'è uss davant dretgira.

Accusà pervi da divers delicts

La procura publica renfatscha uss a l'accusà dad avair prendì pliras giadas daners da la fatschenta, dad avair sfalsifitgà documents e dad avair commess delicts da concurs.

Ils crediturs da la firma fiduziara Allemann e Zinsli spetgan anc oz sin lur daners. Uschè ditg che las dretgiras n'han betg decidì davart la culpaivladad da l'anteriur president da la firma fiduziara, ston ils crediturs anc avair pazienza.

RR novitads 06:00

Artitgels legids il pli savens